ৰাষ্ট্ৰীয় ঘাইপথত দুজন যুৱক।
ৰাষ্ট্ৰীয় ঘাইপথেৰে গৈ থকা ইখনৰ পিছত সিখন বাহনক ৰখিবলৈ সংকেত দিছে যুৱক দুজনে।
পিঠিত ডাঙৰ ডাঙৰ বেগলৈ থকা যুৱক দুজনক দেখিলেই বুজিব পাৰি যুৱক দুজন পৰ্যটক।
কিন্ত পৰ্যন্ত হিচাপে অসমলৈ অহা যুৱক দুজনে ৰাষ্ট্ৰীয় ঘাইপথত কিয় এইদৰে সংকেত দি বাহন ৰখাবলৈ চেষ্টা কৰিছে?
পৰ্যটক হিচাপে অসমলৈ অহা যুৱক দুজন আচলতে মেঘালয়লৈ যাত্রা কৰাৰ বাবে বাহন বিচাৰিছে।
যোৰাবাটত মেঘালয়লৈ যোৱাৰ বাবে যুৱক দুজনে ৬ নং ৰাষ্ট্ৰীয় ঘাই পথেৰে গৈ থকা বাহন সমূহক ৰখিবলৈ সংকেত দিছে।
যুৱক দুজনে কিন্তু বিনামূলীয়ালৈ বাহনত যাত্ৰা কৰিব বিচাৰিছে।
হয়! বাহনক ভাড়া নিদিয়াকৈ যুৱক দুজনৰ উদ্দেশ্য মেঘালয়লৈ যোৱাৰ।
আপুনি জানি আচৰিত হ'ব যে বহিঃৰাজ্যৰ এই যুৱক দুজনে বাহনৰ ভাড়াৰ নামত এটাকাও খৰচ নকৰালৈ অসমলৈ আহি উপস্থিত হৈছে।
ইয়াৰে এজন আহিছে ৰাজস্থানৰ পৰা আনজন আহিছে হাৰিয়ানাৰ পৰা।
ৰাজস্থানৰ প্ৰহ্লাদ বিশনৈ আৰু হাৰিয়ানাৰ ৰাজেশ কুমাৰ নামৰ যুৱক দুজনে এটাকাও খৰচ নকৰাকৈ ভাৰত ভ্ৰমণ কৰিবলৈ ওলাই আহিছে।
ইতিমধ্যে এটাকাও খৰচ নকৰাকৈ দেশৰ বিভিন্ন প্ৰান্তত ভ্ৰমণ কৰাৰ পিছত যুৱক দুজন উপস্থিত হৈছে অসমত। অসমৰ পৰা যুৱক দুজনে সমগ্ৰ উত্তৰ পূবত ভ্ৰমণ কৰিব টকা খৰচ নকৰাকৈ।
যুৱক দুজন অকলশৰীয়াকৈ ধন খৰচ নকৰালৈ ভাৰত ভ্ৰমণৰ বাবে নিজ নিজ ৰাজ্যৰ পৰা যাত্ৰা আৰম্ভ কৰিছিল যদিও গুৱাহাটীত দুয়ো যুৱক লগ হোৱাত এতিয়া দুয়োজনে একেলগে পৰৱৰ্তী যাত্ৰা কৰিব বুলি জানিবলৈ দিয়ে।
